Ronaldo ប្រកាសពីទំនាក់ទំនងកាន់តែជិតស្និទ្ធជាមួយ Messi
19-January-2016 | ដោយ មួយឡា
Cristiano Ronaldo បានបង្ហើបប្រាប់ថា ខ្លួននិង Lionel Messi គឺមានទំនាក់ទំនងល្អ និងកាន់តែជិតស្និទ្ធជាមួយគ្នា។
តារាឆ្នើមក្រុម Real Madrid (CR7) តែងត្រូវគេប្រៀបធៀប និងជាគូប្រជែងធំពានរង្វាន់ Ballon d’Or ជាមួយ Messi របស់ក្រុម Barcelona ហើយក៏ជាគូប្រជែងធំនៅក្លិបយក្សទាំង២ នៅអេស្ប៉ាញផងដែរ។
យ៉ាងណា CR7 បានប្រាប់ដល់ Goal កាលពីថ្ងៃអាទិត្យពីទំនាក់ទំនងជាមួយ Messi ថា៖ “យើងមានទំនាក់ទំនងកាន់តែជិតស្និទ្ធជាមួយគ្នា យើងតែងតែរីករាយពេលទំនាក់ទំនងល្អ ប៉ុន្តែប្រហែលរយៈពេលពីរទីបីឆ្នាំចុងក្រោយនេះ វាកាន់តែជិតស្និទ្ធថែមទៀត”។
ក្នុងពិធីប្រកាសពាន Ballon d”Or 2015 នៅទីក្រុង Zurich ដែល Messi ជាអ្នកឈ្នះនោះ Ronaldo បានបង្ហើបប្រាប់ថា ខ្លួនបានជួយធ្វើជាអ្នកបកប្រែឲ្យ Messi និង Neymar។ កីឡាករវ័យ៣០ឆ្នាំ បានបន្ថែមថា៖ “ពេលឡើងលើឆាក ទាំង Messi និង Neymar មិនអាចនិយាយអង់គ្លេសទេ ហើយខ្ញុំបានក្លាយជាបកប្រែឲ្យ។ ខ្ញុំបាននិយាយទៅពួកគេ ហើយប្រាប់ថា កុំភ្លេចបង់លុយឲ្យខ្ញុំថ្លៃបកប្រែ! (កំប្លែងលេង)”៕
ប្រភព៖ bleacherreports
ចំនួនអ្នកទស្សនា
- ថ្ងៃនេះ3011
- ម្សិលមិញ4561
- សប្តាហ៍នេះ20611
- ខែនេះ13731
- ឆ្នាំនេះ349991
- សរុប19577437